Најнови вести

Најмалку пет жртви во вооружен напад во Калифорнија

14 ноември 2017, 19:46 | Newsroom
Најмалку пет жртви во вооружен напад во Калифорнија
Свет

Најмалку пет лица загинаа, а две деца се повредени денеска, кога вооружен маж отвори оган во градот Ранчо Техама во северниот дел на американската сојузна држава Калифорнија.

Според полицијата, напаѓачот пукал по жртвите по случаен избор, по што бил убиен од страна на еден од замениците на локалниот полициски шериф.

Кај напаѓачот била пронајдена полуавтоматска пушка и два пиштола.

Инцидентот се случил во близина на основно училиште во 8:00 часот по локално време (17 часот по средноевропско време).

Според полицијата, најверојатно станува збор за „инцидент поврзан со семејно насилство“.

Ранчо Техама се наоѓа на 184 километри северно од главниот град на Калифорнија, Сакраменто.

Слични вести